Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Aftandil Hacıyev: "Hazırda "Səbail" üçün təhlükə yoxdur"

"Baxımlı, ilk yarıda sürətli oyun oldu. Matçın çox hissəsi maraqlı təsir bağışladı. İlk yarıda buraxdığımız səhvlər nəticədə öz sözünü dedi. Rəqib haqqında isə yalnız xoş sözlər deyə bilərəm. Hər bir komandaya çətinlik törədən klubdur".

"Report"un məlumatına görə, bunu "Səbail"in baş məşqçisi Aftandil Hacıyev səfərdə "Sumqayıt"a 1:2 hesabı ilə uduzduqları Azərbaycan Premyer Liqasının III tur matçından sonra mətbuat konfransında deyib.

39 yaşlı mütəxəssis bildirib ki, kifayət qədər qol epidozu yaxalayıblar. A.Hacıyev komandanı hələ tam komplektləşdirmədiklərini və bəzi futbolçuların hələ hazır olmadıqlarını əlavə edib. O, gənc futbolçuların gələcəkdə daha yaxşı formaya düşəcəklərinə inam ifadə edib.

3 oyundan 3 məğlubiyyət almalarına da toxunan A.Hacıyev hələ çempionat öncəsi çətinliklə üzləşəcəklərini bildiklərini söyləyib: "Əlbəttə, bizi nəticə razı salmaya bilər. Amma hansı komanda ilə yola çıxdığımızın fərqində idik. "Səbail" yaşayarsa, gənclərlə təcrübəlilərin vəhdətindən komanda quracağıq. Hazırda komanda üçün təhlükə yoxdur. Amma çox yüksək səviyyəli komandalarımızın dağıldığını nəzərə alaraq, bunu deyirəm".

A.Hacıyevin sözlərinə görə, Hendrik Ekşteyn komandadan ayrılmasından peşman olduğunu bildirib. O, gələn həftə ərzində afrikalı legionerlər bağlı qəti qərarın veriləcəyini əlavə edib.

Paylaş »
››› İran qəzeti satışa Makronun əcaib karikaturası ilə çıxdı - Foto
››› Tramp Qarabağ haqda danışdı: “Gözləntilərim doğrulmadı”
››› İslam ölkələri Ərdoğanın fransız mallarını boykot çağırışına qoşulur
››› Xalq artistinin qardaşı oğlu şəhid olub - Foto
››› Makron ərəb ölkələrini qəzəbləndirib
Son xəbərlər
Bütün xəbərlər »