Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
BƏƏ avqustda "OPEC+" kvotasından daha çox neft hasil edib

Bu ilin avqust ayında Birləşmiş Ərəb Əmirlikləri (BƏƏ) daxili bazarda mövsümi tələbin artması səbəbindən neft hasilatı üzrə "OPEC+" sazişi çərçivəsində müəyyən edilmiş gündəlik kvotanı 100 min barel aşıb. Lakin bu həcmi kompensasiya etmək üçün tədbirlər görülüb.

"APA-Economics"in verdiyi məlumata görə, bunu ölkənin BƏƏ-nin Energetika naziri Süheyl əl-Mazrui deyib.

Avqust-dekabr ayları arasında "OPEC+" sazişi çərçivəsində BƏƏ üzrə gündəlik neft hasilatının hədəf səviyyəsi 2,59 mln. barel müəyyən olunub.

"BƏƏ-də avqust ayında gündəlik neft hasilatı 2,693 mln. barelə yüksəlsə də, ölkədə elektrik enerjisinə tələbatın yay aylarındakı pik nöqtəsi ilə əlaqəli bu müvəqqəti artımı kompensasiya etmək üçün tədbirlər görülüb", - Mazrui "Twitter"də yazıb.

Nazir əlavə edib ki, BƏƏ "OPEC+" sazişinə tam sadiqdir, çünki iyun ayında ölkə öhdəliklərindən əlavə gündəlik neft hasilatını 100 min barel azaldıb.

Qeyd edək ki, "OPEC+" iştirakçıları 2020-ci ilin sentyabr ayının sonunadək öhdəliklərini 100% yerinə yetirmək niyyətindədir.

Xatırladaq ki, aprel ayının 12-də "OPEC+" ölkələri nazirlərinin 10-cu iclasında qəbul edilmiş tarixi razılaşma ümumilikdə gündəlik xam neft hasilatının may-iyunda 9,7 mln. barel, iyul-dekabrda 7,7 mln. barel, 2021-ci ildən 2022-ci ilin aprel ayının sonuna qədər 5,8 mln. barel azaldılmasını nəzərdə tuturdu.

Bununla yanaşı, OPEC-in üzv və qeyri-üzv ölkələrinin nazirlərinin iyunun 6-da video-konfrans formatında keçirilən 11-ci iclasında gündəlik neft hasilatının 9,7 mln. barel azaldılması ilə bağlı mövcud kvotanın müddətinin daha 1 ay, iyulun sonunadək uzadılması barədə qərar qəbul olunub.

Paylaş »
››› Bakıda təcili yardım həkimləri tətil elan etdi: “Problem çox kəskin və məşəqqətlidir”
››› “Eldar Həsənov çəliklə gəzir, dəfələrlə yıxılıb”
››› 80 minlik rus qoşunu sərhəddə hazır gözləyir...
››› "Lavrov Paşinyana dərs verməyə gəlib"
››› “Hakimiyyət Zəngəzuru verib başağrısından yaxa qurtarmaq istəyir” - Edqar Elbakyan
››› İcra başçısı qəhrəman zabitə süpürgəçi “vəzifəsi” təklif edib
››› Türkiyədə ölən azərbaycanlı fəalın meyiti atasına və dostuna göstərilib
Son xəbərlər
Bütün xəbərlər »