Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Gürcüstanın avtomobil ixracının 62%-i Azərbaycanın payına düşüb

Bu ilin yanvar-iyul ayları ərzində Gürcüstanın avtomobil ixracının dəyəri illik müqayisədə 42,2% azalaraq 198 509,6 min ABŞ dolları təşkil edib.

APA-nın yerli bürosu xəbər verir ki, bu barədə Gürcüstan Milli Statistika İdarəsinin (GEOSTAT) hesabatında qeyd olunub.

Bildirilib ki, hesabat dövründə bu kateqoriya üzrə ixrac ölkənin ümumi ixracının 11,3%-ni təşkil edib. 2019-cu ildə isə Gürcüstan 343 689,7 min dollar dəyərində avtomobil ixrac edib və onun ölkənin ümumi ixracında payı 16,3% təşkil edib.

Hesabatda qeyd olunub ki, cari ilin yanvar-iyul aylarında Gürcüstan Azərbaycana 122 211,7 min dollar dəyərində avtomobil ixrac edib. Bu göstərici ötən ilin analoji dövrü ilə müqayisədə 443,1 min dollar və ya 0,4% çoxdur. Belə ki, ötən ilin ilk 7 ayı ərzində isə Gürcüstan Azərbaycana ixrac etdiyi məhsulun dəyəri 121 768,6 min dollara bərabər olub.

Beləliklə, hesabat dövründə Gürcüstanın avtomobil ixracının 61,5%-i Azərbaycanın payına düşüb.

Paylaş »
››› Tramp Qarabağ haqda danışdı: “Gözləntilərim doğrulmadı”
››› İslam ölkələri Ərdoğanın fransız mallarını boykot çağırışına qoşulur
››› Xalq artistinin qardaşı oğlu şəhid olub - Foto
››› Kanada Türkiyəyə dron motorları satmaqdan imtina edib
››› Paşinyanın arvadı döyüşə gedir
Son xəbərlər
Bütün xəbərlər »