Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Gürcüstanda azərbaycanlı ailəyə hücum olub

Ötən həftə Gürcüstanın ermənilərin yığcam yaşadıqları Axaltsixe bölgəsində yaşayan Mərdəliyevlər ailəsinə hücum olub.

“Report”un yerli bürosu xəbər verir ki, bir qrup şəxs gecə saatlarında məhsəti türkləri olan Azərbaycan vətəndaşlarına məxsus avtomobilə ziyan vurublar, milli zəmində təhqiramiz ifadələr işlədiblər.

Azərbaycanın Gürcüstandakı səfirliyi məsələni diqqətə götürüb. Bu gün səfirliyin birinci katibləri Seymur İsmayıl, İmran Mustafayev və Ramel Lətifov Axaltsixedə olublar və həmin ailəyə baş çəkiblər. Görüşdə ailəni narahat edən məsələlər müzakirə olunub. Azərbaycan vətəndaşları göstərilən diqqətə görə minnətdarlıqlarını bildiriblər.

Azərbaycanlı ailəyə hücum faktı ilə bağlı cinayət işi açılıb. İnsidentlə bağlı artıq bir nəfərin saxlanıldığı bildirilir.

Xatırladaq ki, iyulun 18-də Axaltsixe şəhərində Samtsxe Cavaxeti Dövlət Universitetinin azərbaycanlı və erməni tələbələri arasında şifahi mübahisə baş verib. Hadisədən sonra 18 Azərbaycan vətəndaşı Tbilisiyə təxliyə olunub.

Hər iki insidentə səbəb Azərbaycan və Ermənistan arasında Tovuz istiqamətində baş vermiş toqquşmalar olub.

Paylaş »
››› Putin Qarabağ haqqında danışdı
››› Azərbaycanlılar Paşinyana nə yazır... - Foto
››› Türkiyə ilə Yunanıstan arasında növbəti gərginlik
››› Ekspert: "Jirinovskinin Azərbaycan prezidentini girov götürmək sayıqlamasına diqqət edilməlidir"
››› Azərbaycan Ordusu düşmənin canlı qüvvəsi və hərbi texnikasını məhv etdi - Video
Son xəbərlər
Bütün xəbərlər »