"Xəstələndiyimi bilmirdim, hətta ağlımın ucundan keçirməzdim, çünki daim ora-bura qaçırdım".

Virtualaz.org yerli KİV-ə istinadən bildirir ki, bunu Belarus Prezidenti Aleksandr Lukaşeno iyul ayında koronavirusa yoluxmasından danışarkən deyib. Dövlət başçısı bildirib ki, onu virusa qəsdən yoluxdurublar.

Lukaşenko ölkəsinin heç vaxt koronavirusun mövcudluğunu inkar etmədiyini və epidemiyaya əvvəldən böyük diqqətlə yanaşdığını söyləyib.

Onun sözlərinə görə, koronavirusa qarşı ən təsirli üsullardan biri hər gün 40-50 qram spirt qəbul etmək və həftədə bir neçə dəfə saunaya getməkdir.