Türkiyə lirəsi hər gün bir az da zəifləyir. Qardaş ölkənin milli valyutası böyük dəyər itirib.
Bizimyol.info xəbər verir ki, dollar Türkiyədə bütün dövrlərin ən yüksək məzənnəsinə çatıb. Avqustun 6-da ABŞ valyutası qardaş ölkədə 7.28-dən baha təklif olunub. Halbuki iyulda məzənnə 6.80-dən də aşağı düşmüşdü. Lirə mayda çətin günlər keçirmişdi. Dolların məzənnəsi 7.26-ya çatmışdı.
İstanbul, Türkiyə | Foto: Pixabay.comBu gün Türkiyədə avronun, funt sterlinqin də məzənnəsi artıb. Avro 8.63-ə, funt sterlinq 9.62-ə təklif olunub.
Mütəxəssislər lirənin güc itirməsinə görə Türkiyə Mərkəzi Bankının böyük məsuliyyət daşıdığını bildirir. Faiz dərəcəsinin kəskin aşağı salınması investorların lirəyə etibarını azaldıb.
