Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
"Moody's" beş Azərbaycan bankının reytinqinə yenidən baxıb
Moody’s

"Moody's” beynəlxalq reytinq agentliyi “Kapital bank”, “Azərbaycan Beynəlxalq Bankı”, “Xalq Bank”, “Bank Respublika” və “Bank of Baku” ASC-lərinin reytinqlərinin dövri baxışının başa çatdığını elan edib.

"APA-Economics"in agentliyə istinadən verdiyi məlumata görə, “Moody's” bu dövri araşdırmalarda reytinqlərin uyğunluğunu, son dəyişiklikləri qiymətləndirir, oxşar reytinqli bankların maliyyə və əməliyyat profillərinin müqayisəsini təkrar aparır.

Sözügedən icmalda reytinq komitəsi iştirak etmir və bu kredit reytinqinin dəyişilməsinin və yaxın gələcəkdə kredit reytinqində dəyişiklik olacağına işarə deyil. Agentlik qeyd edir ki, kredit reytinqi və ya proqnozu dövri baxışda dəyişdirilə bilməz.

Qeyd edək ki, hazırda “Moody's” xarici və milli valyutada uzunmüddətli depozit reytinqi üzrə “Kapital bank”ı “Ba3” səviyyəsində, “Azərbaycan Beynəlxalq Bankı”nı “B1”, “Xalq Bank”ı “B2”, “Bank Respublika”nı “B3”, “Bank of Baku”nu isə “Caa1” səviyyəsində qiymətləndirir.

Bundan əlavə, agentlik baza kredit ödəmə qabiliyyəti üzrə (BCA) “Kapital bank”ı “b1” səviyyəsində, “Azərbaycan Beynəlxalq Bankı”nı, “Xalq Bank”ı və “Bank Respublika”nı “b3”, “Bank of Baku”nu isə “caa1” səviyyəsində qiymətləndirir.

Paylaş »
››› Ramin Bayramlını belə parodiya etdilər - Video
››› Çiy ət parçası hərəkətə gəldi, aşpazı qorxuya saldı – Video
››› Azərbaycanda son sutkada koronavirusa yoluxma sayı açıqlandı
››› Bill Qeyts koronavirusdan da dəhşətli fəlakət barədə xəbərdarlıq edib
››› "TƏBİB heç nə bacarmır, evimizi yıxan da qohumbazlıqdır"
Son xəbərlər
Bütün xəbərlər »