Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Şəhid generalımız evini şəhid ailəsinə bağışlayıbmış
General-mayor Polad Həşimov

Bu gün səhər saatlarında qəhrəmanlıqla şəhid olan general-mayor Polad Həşimov barədə sosial şəbəkələrdə yazılan xoş sözlərin ardı arası kəsilmir. Hər kəs əsl zabit ömrü yaşamış bu insanın həlak olmasına təəssüfünü bildirir. Bu gün ömrünü səngərlərdə keçirmiş igid vətən oğlu barədə maraqlı fakt əldə etmişik.

1975-ci ildə Qəbələnin Vəndam kəndində doğulmuş Polad Həşimov Heydər Əliyev adına Ali Hərbi Akademiyada və daha sonra Türkiyədə hərbi akademiyada təhsil alıb.

P.Həşimov hələ 4 il əvvəl Aprel döyüşlərində şücaətinə görə general rütbəsinə layiq görülüb, maraqlıdır ki, Aprel savaşındakı qəhrəmanlığına görə dövlət tərəfindən ona verilmiş evi özü almayıb, ehtiyacı olan şəhid ailəsinə bağışlayıb.

Şəbəkə istifadəçiləri arasında onun keçmiş əsgərləri, zabit yoldaşları qeyd ediblər ki, P.Həşimov öz şəxsi vəsaiti hesabına cəbhədə postlar tikdirib. O, sağ ikən adına post olan general idi.

“P.Həşimov Bakıya ona verilən xidməti maşınla gəlirdi. Amma şəhərə çatdıqdan sonra avtomobili Nazirliyə təhvil verir, şəxsi işlərini həll etmək üçün ictimai nəqliyyatdan istifadə edirdi. Xidmətdə olarkən telefondan da istifadə etmirdi”,- deyə onu tanıyanlar yazırlar.

Paylaş »
››› Naxçıvanda Türkiyə qırıcılarının Yerevana yaxınlaşması Rusiyada narahatlıq yaradıb
››› Azərbaycanda karantin rejiminin yumşaldılması barədə qərar verildi
››› Erməni diasporu rusları Putinə qarşı qalxmağa çağırdı - Video
››› Bakıda sakinlər etiraz edir - Video
››› TƏBİB koronavirusdan sağalan vətəndaşlara müraciət etdi
Son xəbərlər
Bütün xəbərlər »