Kürdəmir rayonu Mollakənd sakini Kürdə batıb.
Bizimyol.info xəbər verir ki, Fövqəladə Hallar Nazirliyindən verilən məlumata görə, nazirliyin "112" qaynar telefon xəttinə, Kür çayının Kürdəmir rayonu, Mollakənd kəndi ərazisindən keçən hissəsində 1 nəfərin batması barədə məlumat daxil olub.
Məlumata görə çayda batan Mollakənd kənd sakini, 2005-ci il təvəllüdlü Salam İbrahimxəlil oğlu Baxşıyevdir. O, çayda çimərkən boğulub.
Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.