Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
ABŞ Senatında Türkiyədən "S-400"-ləri almaq təklif olunub
S-400 Türkiyə - Rusiya

ABŞ ötən həftə Senatda təklif edilən qanunvericilik təşəbbüsü çərçivəsində Türkiyə ordusunun istifadəsində olan Rusiya istehsalı “S-400” zenit-raket komplekslərini (ZRK) ala bilər.

APA xəbər verir ki, bu barədə “Defense News” qəzeti məlumat yayıb.

Məlumata görə, bu addım imkan verəcək ki, ABŞ və Türkiyə beşinci nəsil “F-35 Lightning II” qırıcı təyyarələrinin istehsalı proqramında Ankaranın iştirakı ilə bağlı yaranmış çözülməz vəziyyətdən çıxa bilsin.

“Defense News” nəşri bildirir ki, müvafiq düzəliş Senatdakı Respublikaçılar fraksiyasının partiya təşkilatçısı Con Tyun tərəfindən 2021-ci maliyyə ilində milli müdafiəyə büdcə ayırmaları haqqında qanun layihəsi üzrə təklif edilib. Düzəliş Türkiyədə olan “S-400”-lərin ABŞ quru ordusunun raketlə təminatına dair büdcəsi hesabına alınmasını nəzərdə tutur.

Öz növbəsində, Senatın beynəlxalq əlaqələr üzrə komitəsinin respublikaçı sədri Cim Riş daha sərt düzəliş təklif edib. O, CAATSA (“Sanksiyalar aktı ilə Amerikanın düşmənlərinə qarşı mübarizə”) proqramı vasitəsilə Türkiyəyə qarşı sanksiya tətbiq edilməli olduğunu düşünür.

Nəşr yazır ki, C.Riş və C.Tyunun fikirlərinə baxmayaraq, onların düzəlişlərinin ABŞ-ın 2021-ci maliyyə ilində milli müdafiə xərclərini tənzimləyən qanun layihəsinin son variantına daxil edilməsinə zəmanət verilmir.

Paylaş »
››› Şəhidə görə saxta göz yaşı - Video
››› Müdafiə Nazirliyi son vəziyyəti açıqladı: Davam edir...
››› Müdafiə Nazirliyi düşmən hücumunun qarşısını alarkən şəhid olan hərbçilərin adını açıqlayıb
››› Professor: Karantini uzatmaq olmaz
››› Düşmən həyəcan içindədir: "Qardaşım ölü əsgərlərlə dolu 3 maşın görüb" - Foto
Son xəbərlər
Bütün xəbərlər »