Oxu.Az Rusiya KİV-ə istinadla xəbər verir ki, oktyabrın 14-də Mahaçqalada həbs olunan terrorçular iyulun 6-da F.Kirkorovun konsertində üç partlayıcı qurğunu işə salmağa cəhd ediblər.
Rusiyanın Federal Təhlükəsizlik Xidmətinə yaxın mənbə ekstremistlərin planlarının reallaşmasına maneə törədən səbəbi söyləməyib.
Terrorçulardan 4-ü həbs olunub, onlardan 3-nün (Həbibulla Xalduzov, Samir İbrahimov, Xıdırnəbi Kazuyev) adı məlumdur, bir nəfərin kimliyi isə hələlik açıqlanmayıb.
