Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
150 il sağalmayan xəstəlik - Səfir rusca danışan azərbaycanlılardan yazıb

Aərbaycanın Macarıstandakı səfiri Vilayət Quliyev sosial şəbəkədəki hesabında maraqlı məsələyə toxunub.

Modern.az səfirin həmin yazısını təqdim edir:

Yəqin ki, bir neçə aydan sonra koronavirus da keçib gedəcək. Amma bir mərəzimiz var ki, iki əsrə yaxındır əlacı tapılmır.

1922-ci ildə Bakıda olan Türkiyə Böyük Millət Məclisi hökumətinin naziri Dr. Riza Nur "Moskova-Sakarya hatıraları" kitabında soydaşlarımızın öz dilini bir kənara qoyub rusca danışmalarından bəhs edərək yazırdı:

"Gördüm ki, Azerilerden yukarı tabaka, tahsil görmüşler o hale gelmişler ki, kendi aralarında dahi rusca monoloq söylüyorlar. Anlaşılıyor ki, rusca kendilerine ana dilleri olan Türkceden daha kolay geliyor. Demek, rus çar idaresi və onun ruslaştırma siyaseti daha elli yıl davam etseymiş Kafkasyada da türk kalmayacakmış"...

İndi 30 ilə yaxındır ki, rus idarəçiliyi yoxdur. Amma insanlarımızın bir qismi heç bir təzyiq olmadan da çox həvəslə, könüllü şəkildə ruslaşmaqda davam edirlər. Ən pisi isə budur ki, indi "aşağı təbəqə" də bu məsələdə "yuxarı təbəqədən" heç geri qalmır.

Bir xatirə: 2002-ci ildə Türkiyənin o zamankı xarici işlər naziri, çox ziyalı və aristokrat bir insan olan İsmayıl Cemlə birlikdə Nyu-Yorkdan, BMT Baş Assambleyasının sessiyasından qayıdırdıq. İstambula qədər 11 saatlıq uçuşumuz vardı. Yol boyu çox məsələlərdən danışdıq. İstanbulda yollarımız ayrıldı - o, Ankaraya, mən Bakıya uçmalı idim. Sağollaşanda Cem əlimi əlində saxlayıb əslində məni utanmağa məcbur edən bir xahişini dilə gətirdi:

- Sayın bakanım, -dedi. -Lütfen, sefarət mensublarınıza söyleyin, kendi aralarında rusca konuşmasınlar. Bizimkiler "Belki aleyhimizde bir şeyler konuşuyorlar" - diye her zaman kuşkulanıyorlar".

P.S. Təbii ki, hər bir vətəndaşımızın xarici dilləri, o cümlədən də rus dilini bilməsinin atəşin tərəfdarıyam.

Paylaş »
››› "Azərbaycan əsgərləri qayıdanda vəziyyətin başqa cür olacağını deyiblər" - Erməni mətbuatı
››› Azərbaycana qarşı siyasi qərar: Mxitaryana göz yuman UEFA "Qarabağ"ı cəzalandırdı
››› Ermənistan parlamentində dava düşüb - Video
››› “Associated Press”in Ağdamdan reportajı: “Sanki 12 bal gücündə zəlzələ baş verib”
››› "Türk qoşunları Azərbaycana dəvət olunmalıdır: Rusa güvənmək olmaz"
Son xəbərlər
Bütün xəbərlər »