Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Mağazanı yandıran qadın barədə hökm dəyişmədi

Gəncə şəhərində tanışının mağazasını yandırmaqda ittiham olunan 1954-cü il təvəllüdlü M.Əliyevanın cinayət işi üzrə məhkəmə prosesi başa çatıb.

Teleqraf.com-un xəbərinə görə, M.Əliyeva aralarında əvvələcədən borc mübahisəsi olan tanışı Sevda Məmmədovaya maddi zərər vurmaq məqsədi ilə 14 yanvar 2019-cu il tarixdə, saat 21.30-da onun icarə əsasında geyim əşyaları satdığı “Atabəy” adlanan mağazanın qarşısına gəlib.

M.Əliyeva özü ilə gətirdiyi nefti mağazanın giriş qapısının önünə və üzərinə dağıdaraq alışqanla od vurub.

Mağazanın bir hissəsi yandığı üçün mülk sahibi Rəhman Nəcəfova 20.000 manat, mağazanın içərisində olan paltar əşyaları yandığı üçün icarədarlar – Rauf Məmmədova 19300, Xumar Məmmədovaya isə 8404 manat maddi ziyan vurub.

İstintaq orqanı tərəfindən M.Əliyevanın barəsində Cinayət Məcəlləsinin 186.2.2-ci (əmlakı qəsdən məhv etmə və ya zədələmə - yandırmaqla, partlatmaqla və ya başqa ümumi təhlükəli üsulla törədildikdə və ya ağır nəticələrə səbəb olduqda) maddəsi ilə ittiham elan edilib.

Gəncə şəhər Kəpəz rayon Məhkəməsinin hökmü ilə M.Əliyevanın barəsində Cinayət Məcəlləsinin 70-ci (şərti məhkum etmə) maddəsi tətbiq edilib, ona şərti cəza təyin olunub.

Hökmdən narazı qalan zərərçəkmiş Rəhman Nəcəfov apelyasiya şikayəti verib. O, təqsirləndirilən şəxsə 7 il cəza təyin olunmasını istəyib. Zərərçəkmişin şikayəti araşdırılması üçün Gəncə Apelyasiya Məhkəməsinə gödərilib. Hakim Şamil Rzaquliyevin sədrliyi ilə baş tutan iclasda apelyasiya şikayətinin dəlilləri araşdırılıb, sonda qərar elan edilib.

Zərəçəkmiş Rəhman Nəcəfovun verdiyi şikayət təmin edilməyib.

Paylaş »
››› "Sanki dəniz dalğaları ilə mübarizə aparırdıq, terminator kimi gəlirdilər" - Ermənistan əsgərindən etiraf
››› Ermənistan prezidenti Moskvada “xain!” adlandırıldı
››› Füzulidə minaya düşən avtomobildə 5 mülki şəxs həlak oldu
››› Paşinyan Putini Yerevanda necə təhqir etdi
››› 2016-cı ildə Serj Sarkisyan deyib: "7 rayonu təhvil verməsək, Stepanakerti (Xankəndi) itirəcəyik"
Son xəbərlər
Bütün xəbərlər »