Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Hökumətdən anlaşılmaz iddia: Dünyada işsizlik artdığı halda Azərbaycanda azalır

“Bütün dünyada işsizlik artdığı halda Azərbaycanda azalır. Bu dəyişikliyi muzdlu işçilərin əməyinin müəyyən hissəsinin ödənilməsi ilə bağlı dövlət dəstəyin proqramının icrası dövrünə özəl bölmədə gizli-məşğulluğun leqallaşdırılması ilə izah etmək mümkündür. Odur ki, bunu yeni iş yerlərinin açılması kimi təqdim etmək düzgün deyil, əslində gizli iş yerlərinin ağarmasıdır”.

Bizimyol.info xəbər verir ki, bu fikri iqtisadçı alim Qubad İbadoğlu səsləndirib.

Qubad İbadoğlu Qubad İbadoğlu

“Dövlət Statistika Komitəsi (DSK) açıqlayıb ki, Azərbaycanda ÜDM 2020-ci ilin yanvar-may ayları 2019-cu ilin yanvar-may aylarına nisbətən 1,7 faiz, o cümlədən qeyri neft-qaz ÜDM-i 2,1 faiz, əhalinin hər nəfərinə düşən ÜDM isə 2,5 faiz azalıb. Həmin dövrdə iqtisadiyyatın sektorları arasında sənayedə (0,4 faiz), kənd təsərrüfatında (3,6 faiz), İnformasiya və rabitə xidmətlərində (4,5 faiz) artım qeydə alınsa da, əsas kapitala yönəldilmiş vəsaitlər (2,8 faiz) pərakəndə ticarət dövriyyəsi (1,7 faiz), nəqliyyat sektorunda yük daşınması (10,3 faiz) və sərnişin daşınması (24 faiz) azalıb.

Maraqlıdır ki, 2020-ci il mayın 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 92,8 min nəfər və ya 5,9 faiz artaraq 1676,1 min nəfər olub. Belə çıxır ki, bütün dünyada işsizlik artdığı halda Azərbaycanda azalır. Bu dəyişikliyi muzdlu işçilərin əməyinin müəyyən hissəsinin ödənilməsi ilə bağlı dövlət dəstəyin proqramının icrası dövrünə özəl bölmədə gizli-məşğulluğun leqallaşdırılması ilə izah etmək mümkündür. Odur ki, bunu yeni iş yerlərinin açılması kimi təqdim etmək düzgün deyil, əslində gizli iş yerlərinin ağarmasıdır”,- deyə o bildirib.

Paylaş »
››› "Azərbaycan əsgərləri qayıdanda vəziyyətin başqa cür olacağını deyiblər" - Erməni mətbuatı
››› Azərbaycana qarşı siyasi qərar: Mxitaryana göz yuman UEFA "Qarabağ"ı cəzalandırdı
››› Ermənistan parlamentində dava düşüb - Video
››› “Associated Press”in Ağdamdan reportajı: “Sanki 12 bal gücündə zəlzələ baş verib”
››› "Türk qoşunları Azərbaycana dəvət olunmalıdır: Rusa güvənmək olmaz"
Son xəbərlər
Bütün xəbərlər »