Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Almaniya XİN başçısı İsrailə səfər edəcək

Almaniyanın Xarici İşlər naziri Hayko Maas iyunun 11-də İsrailə səfər edəcək.

APA-nın "Deutsche Welle"yə istinadən verdiyi xəbərə görə, səfər çərçivəsində Hayko Maas İsrailin Baş Naziri Benyamin Netanyahu ilə görüşəcək.

Tərəflər regional məsələləri, o cümlədən ABŞ Prezidenti Donald Trampın Yaxın Şərq sülh planının gələcəyini müzakirə edəcəklər.

H. Maas İsrailin Xarici İşlər naziri Gabi Aşkenazi və Müdafiə naziri Benni Qantz ilə də görüşəcək.

Almaniya XİN başçısının Fələstinin Baş Naziri ilə də virtual formatda müzakirə aparacağı gözlənilir. Almaniya Xarici İşlər Nazirliyi (XİN) H. Maasın koronavirus pandemiyası ilə əlaqədar Fələstin hökumətinin yerləşdiyi Ramallah şəhərinə getməyəcəyini açıqlayıb.

Bu, mayın 17-də yeni koalisiya hökuməti and içdikdən sonra ilk yüksək vəzifəli şəxsin İsrailə səfəri olacaq. Almaniya mətbuatı H. Maasın Avropa İttifaqı (Aİ) adından İsrail hökumətinin İordan çayının qərb sahili ilə bağlı planlarına etirazını çatdıracağını yazıb.

Belə ki, iyulun 1-dən Aİ-yə sədrlik Almaniyaya keçəcək. Bu isə o deməkdir ki, Almaniya İsrailin İordan çayının qərb sahili ilə bağlı planlarına görə sanksiyaların tətbiqi məsələsində mühüm rol oynayacaq. Aİ hələlik İsrailə qarşı addım atmayacağını bəyan edib, çünki sanksiyaların tətbiq olunması üçün bloka üzv 27 dövlətin hamısının təsdiqi tələb olunur.

Qeyd edək ki iyulun 1-də İsrailin Baş Naziri B. Netanyahu Nazirlər Kabinetinə və parlamentə ilhaq təkliflərini təqdim etməyi planlaşdırır.

Paylaş »
››› Erməni komandir bizim zabitə: “Bu torpaq sizindir, necə desəniz, elə edəcəyik” - Video
››› Naxçıvanda şəhid atası oğlunun tabutu önündə qurban kəsib - Video
››› Paşinyan etimad referendumu keçirmək istəyir
››› Türk hərbçiləri Ağdamda yerləşəcək - Rusiya mətbuatı
››› İqbal Ağazadə: “Elə bilirik, bayrağı vurub qoltuğumuza gedib Xankəndinə sancmaqla hər şey bitəcək”
Son xəbərlər
Bütün xəbərlər »