Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
"Ermənistan Avropa Şurasının üzvlüyündən çıxarılmalıdır"

"Ermənistanın Avropa Şurasının tərkibində yeri yoxdur. Bu ölkə beynəlxalq təşkilatların öhdəliklərinə cavab vermir".

Bu fikirləri fransalı yazıçı Jerar Kardon (Gerard Cardonne) "Report"un Fransa bürosuna açıqlamasında bildirib.

Onun sözlərinə görə, beynəlxalq təşkilatlar işğalçı dövlətlərə qarşı daha sərt mövqe tutmalıdırlar: "Tədbirlərin birində Avropa Şurasının əməkdaşlarına müraciət edərək bu qurumun hara baxdığını soruşdum. Dağlıq Qarabağ münaqişəsi beynəlxalq problemdir. Ermənistan Azərbaycan torpaqlarının 20 faizini işğal edib. Ona görə də Ermənistanın Avropa Şurası tərkibində yeri yoxdur. Ermənistan nə Avropa Şurası, nə də BMT-nin tələblərinə cavab vermir. İşğalçı dövləti qəbul edən beynəlxalq təşkilat nəyə lazımdır".

J.Kardon Ermənistanın hələ də "Böyük Ermənistan" xülyasında olduğunu deyib: "Fransa da vaxtilə Avropaya hakim idi. Napaleon hər yerə gedib çıxmışdı. Bir gün əvvəlki sərhədlərimizə qayıtdıq. İndi daha gedib başqalarının torpaqlarını işğal etməyi düşünmürük. Lakin Ermənistan işğal siyasətini davam etdirir".

Fransalı yazıçı Ermənistanın səhv siyasəti nəticəsində kasıb dövlətə çevrildiyini, gənclərin kütləvi surətdə ölkəni tərk etmək məcburiyyətində qaldıqlarını da söyləyib: "Ermənistanın qonşuluğunda Azərbaycan kimi zəngin ölkə var. Ermənistan isə öz yanlış siyasəti nəticəsində ölkəsini gəlirdən məhrum edir. Bu gün Avropaya çəkilən boru kəmərləri Ermənistandan yan keçərək qonşu ölkələrdən çəkilir".

Qeyd edək ki, J.Kardon Fransanın "Fəxri Legion" zabiti və "Lafayet" ordeni komandiridir. 2010-cu ildə "İncəsənət və ədəbiyyat cəngavəri" adına layiq görülüb. Əsərləri alman, ingilis, bosniya və dari dillərinə tərcümə edilib.

Paylaş »
››› Hərbçilərimiz Ağdamda Səxavət Məmmmədovun qəbrini tapdılar - Video
››› "Şuşaya kanatla qalxdıq, 40-a yaxın ermənini bıçaqla vurmuşam"
››› Ermənistan prezidentindən etiraf: “Bizim ölkənin və xalqın beynəlxalq obrazı yaxşı deyil”
››› İgid əsgər: Atışma başlayanda yaralı dostumun üstünə yıxıldım ki, ölməsin - Foto
››› “Ermənilər girov götürülən Dilqəm və Şəhbazı da azad etməli idi”- Hüquqşünas
Son xəbərlər
Bütün xəbərlər »