Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Deputatdan polislə vətəndaşlar arasında baş verən hadisəyə reaksiya

“Müəyyən qüvvələrin bu hadisələri körükləməkdə və insanları qızışdırmaqda məqsədi isə dövlətçiliyi zəiflətməkdir. Hər birimiz diqqətli olmalıyıq”.

Bizimyol.info xəbər verir ki, bu barədə Milli Məclisin deputatı Ceyhun Məmmədov bildirib.

Ceyhun Məmmədov Ceyhun Məmmədov

Deputat qeyd edib ki, olduğu kimi, bu gün bir çox dünya ölkələri pandemiya bəlası ilə üz-üzə qalıb: “Bəşər övladı çox ciddi sınaq qarşısındadır. Bütün dövlətlər bu imtahandan üzüağ çıxmağa çalışırlar. Azərbaycan ilk gündən pandemiyaya ilə mübarizə sahəsində operativ və adekvat qərarlar qəbul etdi. Son vaxtlar Azərbaycanın bir çox dövlət qurumları gərgin rejimdə fəaliyyət göstərirlər. Onlar arasında elələri var ki, aylardır nə gecələri var, nə də gündüzləri. Neçə vaxtdır ailələri və övladları ilə kifayət qədər vaxt keçirə bilmirlər. Bunun nə qədər çətin olduğunu təsəvvür edirsinizmi?”

Deputat bildirib ki, bu dövlət qurumları arasında ən çox əziyyət çəkən, ağır yük daşıyan orqanlardan biri Daxili İşlər Nazirliyinin əməkdaşlarıdır: “Dünənki hadisədən sonra əksəriyyət polisi qınayan çıxışlar etdi, bəziləri həqarət yağdırdı. Öncə qeyd edək ki, bütün məsələlər dövlətin diqqətindədir. Dövlət hər bir məsələni araşdıracaq və lazım olan qərarları qəbul edəcək. Sualım isə belədir. Polisə zibil atanları qınayan çox oldu, yoxsa dünən baş verənləri? Polisə zibil atanları qınayan neçə status paylaşıldı? Bu gün polisi şiddətlə qınayan status yazan, konstitusiyaya və qanunlara istinad edən həmin insanlar polisə zibil və daş atanları qınayan status paylaşmışdılarmı? Bir sıra hallarda polisin bu qədər hədəfə alınmasında məqsəd nədir?

Bu gün hamımızın gözü qabağında bir sıra Qərb ölkələrində hüquq mühafizə orqanlarının insanlarla necə davrandığını görürük. İnsanları döyür, gözünü çıxarır, üzərlərinə avtomobil sürür, qətlə yetirirlər. Azərbaycan polisi isə ilk gündən insanlarla xoş rəftar etdi, maksimum səbr və nəzakət nümayiş etdirdi. Bu bir neçə gündə Azərbaycan polisini yaxını dünyasını dəyişən insanı həmin yerə aparan, ana olmağa hazırlaşan xanıma dəstək olan, quşlara və heyvanlara yem yedizdirən, çörəyi olmayana çörək alan gördük. Bunu edən Azərbaycan polisi deyildimi?

Demokratik və sivil bir cəmiyyətdə yaşayırıq. Hər kəs fikrini sərbəst bildirməkdə azaddır. Ancaq biz dövlətçiliyi müdafiə etməli, dövlətin yanında olmalıyıq. İnsanların polisə daş və zibil atması bütün hallarda yol verilməzdir. Müəyyən qüvvələrin bu hadisələri körükləməkdə və insanları qızışdırmaqda məqsədi isə dövlətçiliyi zəiflətməkdir. Hər birimiz diqqətli olmalıyıq. Bu gün bizə həmrəylik və birlik lazımdır. Polis də, müəllim də, həkim də bizimdir, düşmən deyil, sahib çıxmalıyıq. Məsuliyyət daşımadan bəyanat vermək, tənqid etmək, qərarlar çıxarmaq çox asanadır. Dövlət qurumlarının hansısa qərarına və davranışına fərqli yanaşma ola bilər. Ancaq bunun kinə və nifrətə yönləndirilməsi yolverilməzdir”.

Ramid İbrahimov

Paylaş »
››› Gözünü itirən qazimiz həkimin davranışından şikayət edir- Video
››› Şuşadan gedən ermənilər şikayətlənir: “On gündən bir yardım...”
››› Əsl qəhrəman olduğunu ölüm kağızından öyrəndi: "Qovuşduq nə çətin, ayrıldıq nə asan..."
››› Nazirlikdən Xankəndi ilə bağlı vacib açıqlama
››› Rəsmi açıqlama: Bu evi SOCAR sökməyib
Son xəbərlər
Bütün xəbərlər »