Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
"Hər kəs yaşadığı ərazidə imtahan verəcək"

"1000-ə yaxın binada imtahan keçiriləcək. Hər şəxs yaşadığı ərazidə imtahan verəcək".

Bizimyol.info xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə deyib.

DİM sədri qeyd edib ki, hər imtahan binasının yanında həkimlər olacaq:  "Hər abituriyent imtahana gələrkən bəyənnamə imzalayıb gətirəcək. Onlar bu bəyannamələri imtahana daxil olanda əməkdaşlara verməlidirlər. Bəyənnamənin mətni açıqlanacaq. Burada qeyd olunur ki, şagird və valideynlər bəyan edir ki, hazırda ailəsində koronavirus xəstəsi yoxdur və axırıncı 15 gündə bu cür xəstələrlə təmasda olmayıblar".

O deyib ki, burada vətəndaş həmrəyliyini həm abituriyent, həm də valideyn göstərməlidir: "Buraxılış imtahanlarında bir ayda 200 mindən çox insan iştirak edəcək. 1000-ə yaxın binada imtahan keçiriləcək. Hər şəxs yaşadığı ərazidə imtahan verəcək. Bu, mürəkkəb prosesdir. Hansısa rayonda IX, hansısa rayonda həmin gün XI sinif imtahanı olacaq. Bəzilərində Azərbaycan dilindən dövlət dili imtahanı olacaq. Hər gün ən azı 4 növ imtahan və imtahan kitabçası abituriyentlərə təqdim olunacaq. Bu, logistika baxımından çox çətindir. Bu prosesdə bizimlə birgə 15 minə yaxın nəzarətçi müəllim iştirak edəcək. Zallarda 15 nəfərdən çox olmayan tərkib olacaq. Hər bir zala bir nəzarətçi ayrılacaq. Bu insanların hamısı ilə treninqlər keçirilib, bu prosesə hazırdırlar".

M.Abbaszadə deyib ki, belə prosesi təşkil etmək çətin olsa da, DİM hər zaman hökumətin və siyasi rəhbərliyin dəstəyini görüb: "Hamı qanuna əməl etsə, prosesi həyata keçirə bilərik. Apardığımız imtahanlarla bağlı bütün məlumatlar bizim rəsmi saytda var. Hər bir abituriyentə lazım olan məlumat onun şəxsi kabinetinə yerləşdirilib. Onlara kömək üçün bu gündən mətkəblərdə rəhbər işçilər və informatika müəllimləri də işdədir, onlara kömək edə bilərlər. Eyni zamanda regional mərkəzlərimizə də müraciət edə bilərlər".

Paylaş »
››› İqbal Ağazadə: “Belə getsə, növbəti müharibə qaçılmaz olacaq"
››› Navalnının bizim haqqımızda dedikləri başına bəla oldu
››› Bayden Putinə ilk zərbəni hazırlayır
››› Neft şirkətinin karantin düşərgəsində nə baş verir?- SOCAR-dan açıqlama
››› Fevralın 25-nə olan hava proqnozu
››› Böyük qayıdış üçün sorğu nəyə lazım: "Bu nə deməkdir - gedirsiniz ya getmirsiniz?"
››› “İsgəndər” raketlərini atdıq, amma partlamadı” - Paşinyan
Son xəbərlər
Bütün xəbərlər »