Rusiyanın perspektivli Su-57 qırıcı təyyarəsi pilotsuz uçuş rejimini sınaqdan keçirib.
Bu barədə “RİA Novosti” qonşu ölkənin müdafiə-sənaye kompleksindəki mənbəyə istinadla xəbər yayıb.
“T-50 uçan laboratoriya bazasında pilotsuz rejim işlənir. Uçuş zamanı pilot kabinədə olur, yalnız bütün funksiyaların yerinə yetirilməsinə nəzarət edir”, - deyə mənbə bildirib.
Qeyd edək ki, bir müddət öncə fransalı jurnalistlər Su-57-ni “Rusiya aviasiyasının mirvarisi” adlandırıblar.