Gürcüstanda fövqəladə vəziyyət rejiminin vaxtı uzadılmayacaq.
APA-nın yerli bürosu xəbər verir ki, bu barədə Baş Nazir Giorgi Qaxaria bildirib. Onun sözlərinə görə, ölkədə epidemioloji durum mayın 22-də başa çatacaq fövqəladə vəziyyət rejiminin uzadılmamasına imkan verir.
Qeyd edək ki, koronavirus pandemiyası ilə əlaqədar olaraq martın 21-də Gürcüstanda bir ay müddətinə fövqəladə vəziyyət elan edilib. Ölkədə epidemioloji vəziyyətin pisləşməsi ilə əlaqədar olaraq aprelin 21-də isə fövqəladə vəziyyət rejiminin vaxtı mayın 22-dək uzadılıb.
