Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Arda Turan: "Barselona"ya yox, "Bavariya"ya keçdiyimi düşünürdüm"

"Barselona"dan ayrılanda çox üzülmüşdüm. Valverde mənə oynamaq imkanı vermədi. Halbuki Messi və Suaresə ən çox köməyi mən edirdim".

Apasport.az saytının məlumatına görə, bunu "Barselona"nın yarımmüdafiəçisi Arda Turan deyib.

Son iki ili icarə əsasında "Başakşəhər"də keçirən 33 yaşlı futbolçu 2015-ci ildə "Atletiko"dan "Barselona"ya transferini dəyərləndirib. Türkiyəli hücumameyilli oyunçu keçidi son anda öyrəndiyini bildirib: "Menecerim "Barselona"ya keçəcəyimi deməmişdi. Bu barədə yalnız transfer reallaşandan 15 gün sonra bildim. Bu müddətdə həmin komandanın "Bavariya" olduğunu düşünürdüm. Menecerimlə bir yerdə idik, çantasından yerə düşən sənəddə "Barselona"nın loqosunu gördüm. Gözlərimə inana bilmirdim".

Arda 2014-cü ildə "Atletiko"da olarkən "Mançester Yunayted"ə keçməyə çox yaxın olduğunu, lakin transferin son anda baş tutmadığını vurğulayıb.

Qeyd edək ki, mövsümün sonuna qədər "Barselona"ya məxsus olan Arda Turan hazırda heç bir komandada çıxış etmir.

Paylaş »
››› İran qəzeti satışa Makronun əcaib karikaturası ilə çıxdı - Foto
››› Tramp Qarabağ haqda danışdı: “Gözləntilərim doğrulmadı”
››› İslam ölkələri Ərdoğanın fransız mallarını boykot çağırışına qoşulur
››› İş adamından "Mersedes" hədiyyə alan əsgərdən açıqlama: Bayrağı Xocalıda asacağam
››› Ərdoğanla Putin Qarabağı müzakirə etdilər
Son xəbərlər
Bütün xəbərlər »