Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
İcra başçısı haqqında həbs qərarı verildi: İttihamlar açıqlandı

İmişlinin keçmiş icra başçısı Vilyam Hacıyev barəsində ilkin istintaq dövrü üçün 4 ay müddətinə həbs-qətimkan tədbiri seçilib.

Bizimyol.info xəbər verir ki, mayın 6-da axşam saat 19 radələrində Səbail rayon Məhkəməsində hakim Mədinə Bağırova onun haqqında həbs qərarı çıxarıb.

Qapalı keçirilən məhkəmə prosesində V.Hacıyev özü də iştirak edib. O, məhkəmə zalına Dövlət Təhlükəsizliyi Xidmətinin (DTX) əməkdaşlarının müşayiətilə gətirilib.

Məhkəmədə məlum olub ki, V.Hacıyevə qarşı Cinayət Məcəlləsinin 308 (vəzifə səlahiyyətlərindən sui-istifadə etmə), 179.3.2 (külli miqdarda mənimsəmə və ya israfetmə) və 311-ci (rüşvət alma) maddələrilə ittiham irəli sürülüb.

Məlumata görə, V.Hacıyevə dövlət hesabına vəkil təyin edilib. Məhkəmədə də onun hüquqlarını həmin vəkil müdafiə edib.

Mayın 6-da həmçinin prezident İlham Əliyev V.hacıyevin İmişli rayon İcra Hakimiyyətinin başçısı vəzifəsindən azad edilməsi barədə sərəncam imzalayıb.

Azərbaycanda icra başçılarının həbs dalğası ötən ilin dekabrından başlayıb. İlk həbs edilənlər Ağstafa rayonunun icra başçısı Nizaməddin Quliyev və Yevlaxın sabiq icra başçısı Qoca Səmədov olub.

Bu ilin fevralında Neftçalanın, bir həftə öncə isə Biləsuvarın icra başçısı həbs edilib. Onların hamısı DTX əməkdaşlarının keçirdiyi xüsusi əməliyyat nəticəsində həbs olunub.

Korrupsiya, vəzifə cinayətlərində ittiham olunan sabiq icra başçılarının işi üzrə istintaq araşdırmaları da DTX-da aparılır. Onlar DTX-nın istintaq təcridxanasında saxlanılırlar.

Paylaş »
››› "Saysız düşmən əsgəri öldürdüm, balaca bir erməni körpəsinin həyatını xilas etdim”- Qazi
››› Azərbaycan ordusunun düşmənə qarşı istifadə etdiyi unikal fənd
››› Paşinyanın sosial şəbəkə trollarına verdiyi aylıq maaş məlum oldu
››› Şuşada əsir düşmüş xüsusi təyinatlımız: "Yaralarıma duz, istiot tökürdülər"
››› Professordan qovulan tələbə barədə açıqlama: "Rüşvətxorlar, qansoranlar at oynadır"
Son xəbərlər
Bütün xəbərlər »