Dünyanın nəzərəçarpan hissəsi hələ də koronavirusa görə Çini qınayır. Ümumi fikrə görə, çinlilərin uğursuz qida seçimi infeksiyaya səbəb olub. Uzun müddət virusun yarasa supundan yayıldığı iddia edilmişdi.

Bizimyol.info xəbər verir ki, Çində həşərat satmağı və yeməyi dayandırmayıblar. CNN-in reportajında bundan bəhs edilib. Şenjen şəhərində hamıdan əvvəl sərt tədbirlər görmək qərarı verilmişdi. Mayın 1-dən burada it və pişik əti satmaq qadağandır. Yavaş-yavaş başqa şəhərlər də yasaq tətbiq edəcəyini bildirir. Amma reportajdakı görüntülər xoş olmayan mətləblərdən xəbər verir. Ölkənin əksər hissəsində həşərat satışı dayandırılmayıb. Düzdür, piştaxtalarda daha çox qurbağa və tısbağalar gözə dəyir. Lakin əqrəb satanlar da az deyil. Üstəlik, ilan satışı da azalmayıb.

Çin hökumətinin mayın ortalarından bu istiqamətdə ciddi qərar verəcəyi gözlənilir.