Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
İranın "Nəmin" xüsusi iqtisadi zonası payızda istifadəyə veriləcək

“Nəmin” xüsusi iqtisadi zonası yaxın beş ay ərzində xarici və yerli sənaye sahibləri və investorların ixtiyarına veriləcək.

Bunu APA-nın Tehran bürosuna açıqlamasında “Nəmin” xüsusi iqtisadi zonasının baş direktoru Bəhmən Azərvəş deyib.

O bildirib ki, “Nəmin” xüsusi iqtisadi zonası Ərdəbil əyalətinin ən böyük inkişaf layihələrindəndir: “Uzun illərdi bu layihə üzərində işlər aparılır və bu böyük layihənin birinci fazası (841 hektar ərazi) yaxın beş ay ərzində xarici və yerli sənaye sahibləri və investorların ixtiyarına veriləcək”.

Bu layihənin Azərbaycan və İran iqtisadiyyatının inkişafında və iki ölkə arasında ticarət dövriyyəsinin artmasında rolundan danışan B. Azərvəş qeyd edib ki, sözügedən xüsusi iqtisadi zonanın Azərbaycana yaxın olması, Ərdəbil əyaləti ilə Azərbaycan bölgələrinin çoxlu oxşarlıqları, eləcə də iki ölkənin ixracatçıları və idxalatçılarına geniş vergi güzəştlərinin tətbiqi əminliklə iki ölkə arasında ticarət dövriyyəsini artıracaq.

B. Azərvəş onu da qeyd edib ki, xüsusi iqtisadi zonanın ümumi ərazisi 2 055 hektardır və Ərdəbil beynəlxalq hava limanının yaxınlığında yerləşir: “Ərdəbil-Astara magistral yolu bu zonanın yanından keçir. Həmçinin, bu zona gələcəkdə dəmir yolu vasitəsilə Şimal-Cənub beynəlxalq dəhlizi dəmir yolu şəbəkəsinə birləşdiriləcək”.

Zonada iqtisadi fəallar üçün xüsusi güzəştlər tətbiq olunacağını deyən B. Azərvəş bildirib ki, bu zonadan məhsul ixrac edən şirkətlərə 100% gömrük güzəştləri veriləcək: “Onlara vergi güzəştləri tətbiq olunacaq. Xüsusi iqtisadi zonaya idxal olunan xammal və avadanlıqlar üçün də gömrük xərcləri alınmayacaq. Bu güzəştlər iqtisadi fəallar üçün şəraiti daha əlverişli edəcək”.

B. Azərvəş əlavə edib ki, xüsusi iqtisadi zonanın açılışının İran və Azərbaycan ticarətinin artmasına bir təsiri də budur ki, Azərbaycan İranın Orta Asiya və Rusiya ölkələrinə çıxış yoluna çevriləcək və bu da hər iki ölkədə iş yerlərinin açılmasına səbəb olacaq.

Paylaş »
››› Rusiya növbəti imtahan qarşısında: "Azərbaycan Qaragöldən geri çəkilməyəcək"
››› Baş Prokurorluq sərhəddə baş vermiş atışma ilə bağlı məlumat yayıb
››› Sərhəddə silahlı insident: iki hərbçimiz şəhid olub
››› “Azərbaycanlıların sərbəst hərəkətinə dözmək olmur - heç kimlə hesablaşmırlar”
››› Zəngəzurdakı danışıqlara Rüstəm Muradov rəhbərlik edir
››› Satan razı, alan narazı - Qiymətlər artır, maaşlar yox
››› Qeyts keçmiş həyat yoldaşına milyardlarla dollar təzminat ödədi
Son xəbərlər
Bütün xəbərlər »