Səbail rayonu, Bayıl qəsəbəsi, Xanlar küçəsində (Dövlət Dəniz Adminstrasiyası inzibati binasının yaxınlığında) ağacların diblərinə beton tökən şəxslər peyda olub.
Bizimyol.info xəbər verir ki, naməlum şəxslər Xanlar küçəsi boyunca bir neçə ağacın dibinə beton töküblər.
Bu da ağacları su əldə etməkdən məhrum edir və birmənalı şəkildə ağacların qurumalarına səbəb olur.
Məsələ ilə bağlı Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova Bizimyol.info-ya açıqlama verib ki, nazirlik bu hadisədən məlumatlıdır: “Ekoloji Təhlükəsizlik Xidmətinin əməkdaşları hazırda sözügedən ərazidədirlər və araşdırma aparılır. Yaxın saatlarda araşdırmanın yekunu ilə bağlı açıqlama veriləcək”.
Ramid İbrahimov