Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Bəşər Əsədin müxalifətçilərə işgəncə vermiş cəlladları Almaniyada mühakimə olunur

Almaniyanın Reynland-Pfalts torpağının ali məhkəməsində tarixdə ilk dəfə olaraq Suriya prezidenti Bəşər Əsəd rejiminin hərbçilərinin məhkəməsi başlanıb. Onlar işgəncələrdə ittiham edilirlər.

Alman mediası yazır ki, məhkəmənin əsas müttəhimi – Anvar Raslan Suriya xüsusi xidməti rəisinin keçmiş müavinidir. İkinci müttəhim isə onun tabeçiliyində olmuş Eyad əl-Qəribbdir. Onlar Almaniyada qaçqın kimi yaşasalar da, 2019-cu ilin fevralında həbs olunublar.

İstintaq materiallarından məlum olur ki, Suriya hərbi kəşfiyyatının 251-ci şöbəsindəki xüsusi həbsxanada Əsədə qarşı çıxan müxalifətçilərə işgəncələr verilib. Bu şöbəyə Raslan rəhbərlik edirdi.

Həmin həbsxanada 2011-ci ilin aprel və sentyabr ayları arasında 4000-dən çox məhbusa elektroşokerlərdən, zorlamalardan, ağır seksual alçaltmalardan istifadə edilərək görünməmiş dəhşətli işgəncələr verilib.

Həbsxanada saxlanılan məhbuslara bəzən yemək və dava-dərman verilmirdi. Almaniya prokurorluğunun itthamnaməsində deyilir ki, həmin həbsxanada azı 58 nəfər işgəncələrlə öldürülüb.

İndi Koblents şəhərində yerləşən məhkəmə Raslanı insanlığa qarşı cinayətlərdə əlbir olmaqda ittiham edir. İttihamnamədə deyilir ki, Raslan həbsxanada antihökumət fəallarının başına gətirilənlərdən xəbərdar olub. Onun tabeçiliyində olan Eyda Əl-Qəribin isə azı 30 işgəncədə şəxsən iştirak etdiyi bildirilir.

Bu məhkəmə prosesində şahid kimi iştirak etmək üçün 6 suriyalı müraciət etmişdi, lakin pandemiya karantininə görə onlardan yalnız üçünün xahişi təmin olunub.

Bəşər Əsədin cəlladları

“The Guardian” qəzetinin yazdığına görə Anvar Raslan Berlindəki qaçqınlar sığınacağında yaşayırdı. O ad və soyadını dəyişməmişdi və başqa qaçqınlar, xüsusuilə də fəallar onu dərhal tanıya biliblər. 2015-ci ildə Almaniya polisinə Raslanın özü müraciət edib. O Suriya və Rusiya kəşfiyyatının onu güdməsindən şübhəli olduğunu bildirmişdi.

Bu da xəbər verilir ki, Suriyadakı işi barədə Almaniya rəsmilərnə Raslanın özü məlumat verib. Eyad əl-Qəribə gəlincə isə, o da 2018-ci ilin yayında qaçqın statusu almaq üçün keçdiyi söhbətdə Almaniya hakimiyyət orqanlarına demişdi ki, Suriyada adamların həbsxanaya gətirilməsində rejimə köməklik edib.

Əsəd ordusunun keçmiş hərbçiləri üzərində məhkəmə Almaniyada 2002-ci ildə qəbul edilmiş “beynəlxalq hüququn ümumiliyi” haqqında qanunun sayəsində mümkün olub. Bu qanun Almaniya ədliyyəsinə ölkə xaricində baş vermiş cinayətlərə görə mühakimə etmək səlahiyyəti verir. Qanun hətta müttəhimlər və zərərçəkənlər Almaniya vətəndaşı olmadıqda belə tətbiq edilə bilir.

“The Guardian” yazır ki, Almaniya məhkəməsində beynəlxalq qanunların ümumiliyi prinsipindən istifadə olunması ərəb ölkələrində və başqa yerlərdəki hərbi canilərin Avropada mühakimə olunması üçün presedent yarada bilər.(Virtualaz.org)

Paylaş »
››› Elman Rüstəmov Prezidenti də eşitmir...
››› Öngörücülərin xətası: Virus nə üçün mutasiya etmir...
››› Qeybə çəkilən aparatlar: Avtobusa minmək üçün pulumuzla rəzil oluruq...
››› "Ruslar Qarabağdan çıxacaq - Ərdoğan və Əliyev istəsələr, İrəvanı da ala bilərlər" - Satanovski
››› Milyarder payızda bütün dünyanı ucuz internetlə təmin etməyə hazırlaşır
››› “Paşinyan Rusiya və "Qarabağ" klanına yaxın şəxsləri idarəetmədən uzaqlaşdıracaq”
››› İyunun 25-nə olan hava proqnozu
Son xəbərlər
Bütün xəbərlər »