Koronavirus infeksiyasına (COVİD-19) qarşı mübarizə tədbirlərinin gücləndirilməsi ilə əlaqədar “Evdə qal” kampaniyası davam etməkdədir.
Sosial şəbəkələr istifadəçiləri koronavirusun onların həyatına ciddi şəkildə təsir edən bir hadisə olduğunu bildirirlər. Əksəriyyəti karantin səbəbilə gündəlik həyatının köklü sürətdə dəyişdiyini bildirirlər və bunu əks etdirən videoları sosial şəbəkədə paylaşırlar. Çölə çıxmayan kişilər evdə qaldıqları müddətdə ev işləri, yemək bişirmək, uşaqlara qulluq kimi məsələlərdə öz hünərlərini göstəriblər.
Bizimyol.info-nun əməkdaşı Ramid İbrahimov “Evdə qal” kampaniyasına qoşularaq vloq çəkib. Əməkdaşımız vloqunda ev işlərində kişi ilə qadın arasında bərabərliyin önəmini vurğulayarkən həm gülməli, həm də maraqlı görüntülər ortaya çıxıb.
Karantin günlərində evdə qalmaq məcburiyyətində qalan kişilərə ev işlərində qadınları dəstəkləmələri, qadınları daha yaxşı anlamaq və onların təcrübələrini bölüşmək üçün fürsətdir.
