"Çilidə dünyada ilk dəfə olaraq koronavirusa yoluxmuş adamlara vəsiqə veriləcək".

“Report” “RİA Novosti”yə istinadən xəbər verir ki, bunu Çilinin səhiyyə naziri Xaim Manyaliç bildirib.

Onun sözlərinə görə, koronavirusdan tamamilə sağalanlara bu vəsiqə təqdim ediləcək. Bildirilib ki, qanda bu virusa qarşı immunitet azından bir il ərzində hazırlanır: “Həmin insanlarda antitel hazırlanır”. Bu onların koronavirusa təkrar yoluxmasını sıfra endirir.

Çili Səhiyyə Nazirliyinin məlumatına görə, ölkə üzrə koronavirusa yoluxanların sayı 10 mindən çoxdur. Pandemiyadan isə 133 nəfər ölüb.