Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
AVRO-2020-nin təşkilatçı şəhərləri dəyişdirilə bilər

Koronavirus pandemiyası üzündən ağır vəziyyətə düşən Avropa futbolunun xilas yollarını axtaran UEFA daha bir problemlə üzləşib.

Apasport.az saytının xarici mətbuata istinadən məlumatına görə, 2021-ci ilə təxirə salınan AVRO-2020-nin final mərhələsinin ev sahiblərindən bəzilərinin yarışı qəbul etməsi sual altına düşüb.

Buna görə də UEFA 12 ölkədə, o cümlədən Bakıda təşkil olunması planlaşdırılan yarışın ev sahiblərinin sayının azaldılması variantlarını müzakirə etməyə başlayıb. Təşkilat bəzi şəhərlərin koronovirusdan sonra mötəbər yarışı qəbul etmək gücündə olacağına əmin deyil. Bu səbəbdən də təşkilatçı şəhərlərin sayının da azalması istisna edilmir.

Bildirilir ki, İspaniya və İtaliya futbol federasiyaları AVRO-2020-yə hazır ola biləcəklərinə şübhə etdiklərini gizlətmirlər. Hər iki ölkədə böyük sayda insan ölümü və iqtisadiyyata dəyən zərbə federasiyalara da şübhələrlə üz-üzə qoyub. Digər tərəfdən təqvim də UEFA-ya çətinlik yarada bilər. Çünki bəzi stadionlarda 2021-ci ilin yayında digər tədbirlər planlaşdırılıb.

Qeyd edək ki, AVRO-2020-nin final mərhələsinin oyunları London (İngiltərə), Münhen (Almaniya), Bakı (Azərbaycan), Roma (İtaliya), Sankt-Peterburq (Rusiya), Budapeşt (Macarıstan), Buxarest (Rumıniya), Dublin (İrlandiya), Kopenhagen (Danimarka), Qlazqo (Şotlandiya), Bilbao (İspaniya) və Amsterdamda (Niderland) keçirilməlidir.

Paylaş »
››› Tovuza növbəti hücumun pərdəarxası: Rusiya Koçaryanı Qarabağda “prezident” etmək istəyir
››› Azərbaycanda son sutkada koronavirusa yoluxanların sayı açıqlandı
››› Milyarder payızda bütün dünyanı ucuz internetlə təmin etməyə hazırlaşır
››› Ermənistanın hücum cəhdi: Rusiya yeni münaqişə ocağı yaratmaq istəyir
››› Anar Məmmədova polis general-mayoru rütbəsi verilib
››› Azərbaycanlı prodüser iş yerində ölüb
››› PKK-nı bitirmək planı: "Azərbaycan Türkiyəyə dəstək verəcək"
Son xəbərlər
Bütün xəbərlər »