Tbilisidə təcili tibbi yardım həkiminin koronavirusa yoluxması təsdiqlənib.
Bununla Gürcüstanda koronavirus diaqnozu qoyulan həkimlərin sayı iki nəfərə çatıb.
Yayılan məlumatlara əsasən, həkim həyat yoldaşından COVID-19 infeksiyasına yoluxub.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 204 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 1 067 324-ə çatıb. Bunların 226 038 nəfəri sağalıb, 56 729 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib. (Report.az)