Koronavirusdan ölüm sayına görə Çin rəsmi siyahıda dördüncü yerdədir. Asiya dövləti pandemiyadan cəmi 3305 vətəndaşını itirdiyini bildirir.

Bizimyol.info xəbər verir ki, “Daily Mail” qəzeti Çində virusdan ölənlərin sayının dəfələrlə çox olduğunu iddia edir. Nəşrin yazdığına görə, indiyə qədər burada 40 mindən çox insan həyatını itirib.

“Daily Mail” məsələ ilə bağlı çox maraqlı nüans yazıb. Qəzetin iddasına görə, Çində hər gün virusdan ölən 500 adamın evinə bankada külünü göndərirlər.

Asiya dövləti son günlər çox az insanın ölümü haqda məlumat yayır. Gündəlik say heç 10 nəfəri keçmir. Çin indiyə qədər ölkədə 81,5 min nəfərin virusa yoluxduğunu aşıqlayıb.