Dünyanın gündəmi yalnış koronavirusla çalxalandığı bir zamanda məşhur astroloqlar da pandemiyanın bitəcəyi zaman barədə proqnozlar verirlər.

Bizimyol.info xəbər verir ki, hindistanlı məşhur astroloq Aşiş Mehta martın 24-dən etibarən dünya üzərindəki bu bəlanın zəifləməyə doğru gedəcəyini bəyan edib.”Məhz bu gün planetlər əlverişli mövqe tutacaq. Martın 30-da yaxşılaşma özünü göstərəcək”,- deyən Mehta bildirib ki, aprelin 13-də koronavirus dərmanlarından birinin adı açıqlanacaq və dünya öz adi qaydasına düşməyə başlayacaq. Mehtranın proqnozu Dünən Çinin Hubey əyalətində karantini azaltması ilə bir qədər gerçəkləşmiş oldu.

BƏƏ-dən olan astroloq Açarya Sandip Bharva isə hesab edir ki, yalnız mayın 11-dən sonra yaxşılaşma başlayacaq.

İndus astroloq Upendra Şastri hələ noyabrın 5-də Yupiter Oxatan bürcünə daxil olarkən Yer üzünü bürüyəcək bir xəstəlik barədə proqnoz vermişdi. İndi Yupiter Oğlaq bürcünə daxil olub və iyunun 30-na qədər orda qalacaq. Yalnız bundan sonra pandemiyanın zəifləməsi mümkün olacaq. Şastrinin proqnozuna görə iyul ayında bu bəlanın dərmanı tapılacaq.

İlhamə Rəsulova