Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
ABŞ-da yaşlı adamları aldadıb, 30 milyon dollara sahiblənən rus həbs olunub

ABŞ-ın Florida ştatında on milyonlarla dollarlıq qiymətli kağızlarla fırıldaq işlətməkdə və çirkli pul yumaqda təqsirlərndirilən Rusiya vətəndaşı həbs olunub.

Tutulan RF vətəndaşının adı Denis Sotnikovdur.

Hadisə ilə bağlı ABŞ-ın Qiymətli kağızlar və birja üzrə komissiyası (SEC) tərəfindən rəsmi məlumat yayılıb.

Rusiyalı həbs olunduqdan sonra Florida ştatının Fort-Loderdeyl şəhər məhkəməsinə gətrilib. İş hazırda Nyu-Cersi ştatının dairə prokurorluğunun icraatındadır. Onu 20 il həbs və 500 min dollar cərimə cəzası gözləyir.

ABŞ hüquq-mühafizə orqanları D. Sotnikovun qurduğu maxinasiya sistemi ilə zərərçəkənlərə 26 milyon dollar ziyan vurduğunu göstərib. SEC rus iş adamının amerikalı investorları internet reklamı vasitəsilə təbliğ olunan saxta depozit sertifikatlarını almağa inandırdığını bildirib. Onun qurbanlarının əsasən pensiya yaşına çatmış ABŞ vətəndaşları olduğu qeyd edilir.

Verilən informasiyada D.Sotnikovun bu sxemi 2014-cü ildən işə saldığı vurğulanır. Prokurorluğun əldə etdiyi məlumatlara əsasən, iş üzrə ən az 70 zərərçəkən mövcuddur.

Rusiya vətəndaşının ələ keçirdiyi pulun bir hissəsini Florida ştatında yaşayan xanımı Natalya Mazitovaya verdiyi güman olunur.

Xatırladaq ki, bu ilin mart ayının 7-də Fderal Təhqiqatlar Bürosu sosial şəbəkə istifadəçilərinin şəxsi məlumatlaırnı başqalarına satmaqla pul qazanan Kiril Firsov adlı başqa bir Rusiya vətəndaşını Nyu-Yorkda saxlayıb. (Musavat.com)

Paylaş »
››› Azərbaycanda "təmiz ətir" biznesi: Məşhur mağazalar da saxtakarlıq edir
››› Ulduz  falı: 05 dekabr, 2021-ci il – Vəziyyət gözləriniz önündə dəyişəcək
››› Gürcüstanda qətlə yetirilən gəncin soydaşımız olduğu məlum olub
››› Bayden: "Mən heç bir qırmızı xətt tanımıram"
››› XİN: Ermənistan görüşdən öncə təxribat törətdi
››› Prezident Ərdoğan Siirtdə həbsinə səbəb olan şeiri yenidən oxudu - Video
››› Baydenin səhhətində problemlər yaranıb
Son xəbərlər
Bütün xəbərlər »