Martın 5-də Moskvada Türkiyə prezidenti Rəcəb Tayyib Ərdoğanla Rusiya prezidenti Vladimir Putin arasında Suriyanın İdlib bölgəsindəki böhranlı vəziyyəti həll etmək üçün əldə etdikləri razılığa dair protokolun icrasına başlanılıb.
Zvezda TV-nin yaydığı məlumatda Rusiya və Türkiyənin M-4 avtomobil yolu boyunca birgə patrul xidməti həyata keçirməyə başladığı bildirilir.
Xatırladaq ki, liderlərin əldə etdiyi razılıq aşağıdakı maddələri özündə ehtiva edib:
martın 6-da saat 00.01-dən etibarən İdlibdə bütün hərbi fəaliyyət dayandırılır;
- Türkiyə və Rusiya Suriyada M-4 avtomobil yolunun şimal və cənubunda 6 km-lik təhlükəsizlik dəhlizi yaradacaq;
- martın 15-dən Rusiya və Türkiyə M-4 avtomobil yolu boyunca birgə patrul xidməti həyata keçirəcək. (Modern.az)