Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Parlamentdə əmanətlərin tam sığortalanması müddətinin 3 il artırılması təklif edilib

“Əmanətlərin tam sığortalanması 3 il müddətində öz bəhrəsini verdi”.

Bunu bu gün Milli Məclisin plenar iclasında millət vəkili Vahid Əhmədov bildirib.

Vahid Əhmədov Vahid Əhmədov

V. Əhmədov deyib ki, mövcud əmanətlərin 8,5 milyardı manatla olan əmanətdir: “Əmanətlərin tam sığortalanmasının 9 ay müddətinə uzadılması qısadır. Hökumət ümumiyyətlə, əmanətləri orta müddətli dövr üçün tam sığortalamalıdır. Məsələn, 3 il müddətində. Neftin bazar qiymətinin düşməsi ilə bağlı bəzi söz-söhbətlər gəzir. Bankların qarşısında növbələr var. Əhali manatı dollara çevirmək üçün təşviş içərisindədir. Mərkəzi Bankın “B” planı olması ilə bağlı Elman Rüstəmov bəyanat verib. Təklif edirəm ki, Mərkəzi Bank əhaliyə daha geniş məlumat versin. Maliyyə Sabitliyi Şurası əhaliyə geniş məlumat verməlidir ki, yaxın müddətdə Azərbaycanda heç bir narahatlıq olmayacaq”.

Milli Məclisin İqtisadi Siyasət, sənaye və sahibkarlıq komitəsinin sədr müavini Əli Məsimli qeyd edib ki, əmanətlərin tam sığortalanması ilə bağlı qanun layihəsinin ortalığa çıxması 2015-ci ildə baş verən devalvasiyalarla bağlı prosesi yumşaltmaq məqsədi daşıyırdı: “Hazırda manata və bank sisteminə güclü təzyiq var. Bu qanunun qəbul edilməsi manata və banklara inamın dolayı yolla artırılmasına xidmət edən addım olacaq. Hazırda yaradılan ajiotajdan istifadə etmək istəyənlər var. Nazirlər Kabinetində Baş Nazir tərəfindən keçirilən müşavirədə ajiotajın aradan qaldırılması üçün müəyyən tezislər irəli sürüldü. Azərbaycanda əmanətlər ÜDM-in 10%-i civarındadır. Bu qanunun qəbul edilməsi ilə bankların reputasiyasının yaxşılaşdırılması hədəfi də qoyulmalıdır. Elə şərait yaradılmalıdır ki, əhali əlindəki əmanəti banklara etibar etsin. Əhali banklara əmanətləri ən azı 1 il müddətinə qoyur. Bu müddətin 9 ay artırılması azdır. Mərkəzi Bank və Milli Məclisin İqtisadi Siyasət, sənaye, sahibkarlıq komitəsinin ciddi dialoq aparmasına ehtiyac var. Bu, qısa müddətdə daha işlək və operativ mexanizmin ortaya çıxmasına səbəb olacaq. Neftin qiymətinin düşməsin manatın devalvasiyası anlamına gəlmir. Neftin qiyməti 30 dollar həcmində olsa bu, 2020-ci ilin 24 milyard manatlıq büdcəsinə 4% təsir göstərəcək”.

Paylaş »
››› Sonuncu xəbərdarlıq: "Əgər Zəngəzur dəhlizi açılmasa, Laçın dəhlizini bağlayacağıq"
››› Ulduz  falı: 09 dekabr, 2021-ci il – Parlaq və ruhlandırıcı hadisələrin günüdür
››› Ukrayna açıq şəkildə Rusiya ilə döyüşə hazırlaşır
››› Zakir Qaralov, Rüstəm Usubov və Eldar Mahmudov məhkəməyə çağırıldı
››› Küçələrdə qəpik-quruş qazananlara hücum: Ləğv etmək, yoxsa səliqəyə salmaq...
››› "Yer yarıldı" - çinli qadın marketə düşdü - Video
››› Dövlət qurumlarının "əsir" götürdüyü şəhər...
Son xəbərlər
Bütün xəbərlər »