Türkmənistan koronavirusa görə İranla sərhədləri bağlayıb. Hətta qonşu dövlətə səfər etmiş vətəndaşları geri buraxmırlar.
Bizimyol.info xəbər verir ki, Türkmənistanda maska taxan qadını cərimə ediblər.
Paytaxt Aşqabadda axşam işdən evə qayıdan vətəndaşı polis saxlayıb. Onu polis şöbəsinə aparıblar. Orada qadına hansı qaydanı pozduğunu izah ediblər. Aşqabad sakini dövlətin koronavirus əleyhinə gördüyü tədbirlərə güvənməməkdə ittiham olunub. Qadın 249 türkmən manatı (təxminən 75 dollar) cərimə ödəmək məcburiyyətində qalıb.
Türkmənistan Asiyanın koronavirusdan yan ötən ölkələrindəndir. Dünyanın 50-yə yaxın dövlətində ölümcül virus aşkarlanıb.
