Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Günel Səfərova Konstitusiya Məhkəməsinə müraciət etdi - "Ədalətli olun"

9 saylı Binəqədi ikinci seçki dairəsindən deputatlığa namizəd, "Vətəndaş" Tədqiqat və İnkişaf İctimai Birliyinin sədri Günel Səfərova 9 fevralda keçirilən seçkilərlə bağlı Konstitusiya Məhkəməsinin hakimlərinə müraciət edib.

Aktual.az xəbər verir ki, bu barədə Günel Səfərova öz feysbuk səhifəsində yazıb. Müraciəti olduğu kimi təqdim edirik:

"İslahatlara, gələcəyə, dəyişəcəyimizə, hər kəsə bərabər imkanların tanındığı daha ədalətli bir cəmiyyət qura biləcəyimizə inanaraq, böyük ümidlərlə qatıldığımız parlament seçkiləri özünün məntiqi sonluğuna yaxınlaşdı. İndi son söz Konstitusiya Məhkəməsinindir.

Hüquqlarımıza təminat verən Ana Qanunumuzun keşiyində dayanan Məhkəmə ya sözün bütün mənalarında hüquqi dövlətin vətəndaşı olmaq haqqımıza sahiblənmək istəyənlərin qarşısında qanunun sərt üzü ilə səd çəkməli, ya da bunu gələcək onilliklərin və nəsillərin öhdəsinə buraxmalıdır. Hələ ki, gec deyil və hələ ki, seçim imkanı var.

Mən Konstitusiya Məhkəməsinin hakimlərinə müraciət edirəm: Ölkəmizin gələcəyi, işıqla qaranlığın, xeyirlə şərin savaşından kimin qalib çıxacağı sizin verəcəyiniz qərardan asılıdır. Əlinizi Konstitusiyanın və vicdanınızın üzərinə qoyub qərar verin. Çünki bu qərardan asılı olan ayrı-ayrı seçki dairələrində qalib elan edilmiş, yaxud edilməmiş deputatlığa namizədlərin taleyi deyil, millətimizin və dövlətimizin gələcəyidir.

Dövlətin böyüklüyü onun ədaləti ilə ölçülür. Ədalətin kiçildiyi ölkələrdə yalnız günahlar və günahkarlar böyük görünürlər. Bunu bildiyimdən və ədalətli olduğum üçün zamanında hüquq fakültəsini seçmişdim. Dövlətin ədalətinin gücünü ortaya qoymaq imkanı indi sizin əlinizdədir. Ədalətli olun! Çünki ədalətsiz insanları nəinki biz, heç tarix də bağışlamayacaq!"

Paylaş »
››› "Azərbaycan hərbçiləri İrəvanda supermarketdə" - Ermənistanda həyəcan (Foto)
››› “Bu sürətlə vaksinasiyasını bitirmələri üçün 400 il vaxt lazımdır” - Açıqlama
››› Ermənistan mətbuatı Kremlin adamını "yaxaladı": "Açıq-aşkar depressiyaya düşüb"
››› "Əraziləri kimin 18 yaşlı oğlunun hesabına almaq istəyirsiniz?" - Vitse-spiker
››› Mübariz Mənsimovun bacısı: “Atam ölüm yatağında oğlunun yolunu gözləyir” - Video
››› Prezident İlham Əliyev Şuşaya yola düşüb - Video
››› “Şuşadan Ermənistana və onun havadarlarına xəbərdarlıq edildi”
Son xəbərlər
Bütün xəbərlər »