Çində koronavirusdan ölənlərin sayı artıb.

Bu barədə Çin Xalq Respublikasının Səhiyyə Məsələləri üzrə Dövlət Komitəsi məlumat yayıb.

Qeyd edilir ki, koronavirusdan ölənlərin sayı 2 345 nəfərə çatıb.

Məlumata görə, gün ərzində virusdan 109 ölüm hadisəsi qeydə alınıb. Ölkədə virusa yoluxmuş 2 393 nəfər sağalaraq xəstəxanalardan evə buraxılıb. Hazırda Çində koronavirusa yoluxanların sayı 75 891 nəfərdir.

Qeyd edək ki, ölkədə koronavirusa ilk yoluxma ötən ilin sonlarında qeydə alınıb. (Report.az)