Türkiyə Prezidenti Rəcəb Tayyib Ərdoğan ABŞ-dan “Patriot” zenit-raket kompleksləri istədikləri ilə bağlı yayılan xəbərlərə münasibət bildirib.
NTV telekanalının verdiyi xəbərə görə, Türkiyə Prezidenti S-400 məsələsi gündəmdə olarkən ABŞ-dan “Patriot” istədiklərini xatırladıb.
“Hələ S-400 gündəmdə olarkən o vaxt ABŞ Prezidenti Donald Trampa gəlin bizə “Patriot”ları satın dedik. Lakin bizə müsbət cavab vermədilər”, - deyə Türkiyə Prezidenti qeyd edib.
Xatırladaq ki, ötən gün “Bloomberg” agentliyi Türkiyənin ABŞ-dan “Patriot” zenit-raket kompleksləri istədiyini yazıb.
