Tehran ərəb koalisiyasının Yəmənin şimalına endirdiyi zərbələri qınayır və bunu hərbi cinayət hesab edir.

Bunu İran Xarici İşlər Nazirliyinin rəsmisi Abbas Musəvi deyib.

“Son bir neçə ildə cəbhədə biabırçı məğlubiyyətlərə düçar olan Səudiyyə Ərəbistanının rəhbərliyi altındakı koalisiyanın qadın, uşaq və digər mülki vətəndaşları alçaqcasına öldürməsinin şahidi oluruq”, - Musavə bildirib.

Musəvi koalisiyanın bu addımını 10 ən böyük hərbi cinayətlərdən biri adlandırıb.

Qeyd edək ki, bir müddət əvvəl koalisiya qüvvlərinin Yəmənini şimalında həyata keçirdiyi hava əməliyyatı nəticəsində 32 mülki vətəndaş həlak olmuşdu. (Axar.az)