Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Gömrük Akademiyasının tələbələri təcrübəyə göndərilirlər
Dövlət Gömrük Komitəsinin Akademiyasının IV kurs tələbələri 17 fevral 2020-ci il tarixindən başlayaraq 14 həftə ərzində Dövlət Gömrük Komitəsinin struktur bölmələrində istehsalat təcrübəsi keçəcəklər. Akademiyanın rəisi Qulu Novruzov təcrübəyə gedəcək tələbələr və onların təcrübə rəhbərləri ilə görüşüb. Akademiya rəisi dövlət tərəfindən gənclərə göstərilən diqqət və qayğıdan söz açıb.

Ali təhsil müəssisələrində tədris prosesi ilə yanaşı, tələbələrin əldə etdikləri bilik və bacarıqları təcrübədə tətbiq etməyin vacibliyini bildirən Qulu Novruzov Akademiyanın tələbələrinin buraxılış işlərinin mövzusuna uyğun olaraq Dövlət Gömrük Komitəsinin struktur bölmələrində təcrübədə olacağını deyib. “Tələbələrin əsasən Dövlət Gömrük Komitəsinin struktur bölmələrinə göndərilməsinin əsas məqsədlərindən biri də odur ki, gələcəkdə bu, işlə təmin olunmada müəyyən qədər müsbət bir məqam kimi dəyərləndiriləcək”- deyə o, qeyd edib.

Qulu Novruzov istehsalat təcrübəsinin dörd illik təhsilin sonuncu və çox önəmli bir mərhələsi olduğunu vurğulayıb. O, qeyd edib ki, tələbələr dörd ildə qazandıqları nəzəri bilikləri təcrübə vaxtı əyani şəkildə tətbiq etməyi öyrənəcəklər. Akademiya rəisi tələbələrə öz tövsiyələrini verib və uğurlar arzulayıb.

Sonra Akademiyanın Təlim və innovasiyalar üzrə rəis müavini Ramiz Hümbətov tələbələri təcrübə gündəliyinin doldurulması, təcrübənin sonunda hesabatın yazılması qaydaları ilə bağlı təlimatlarla tanış edib.

Paylaş »
››› "Azərbaycan əsgərləri qayıdanda vəziyyətin başqa cür olacağını deyiblər" - Erməni mətbuatı
››› Kaledoniya müstəqilliyini elan etdi: Fransanın əməlləri öz başında çatlayır
››› 18 yaşlı qazimiz: Bağırsaqlarımı əlimlə yığıb beli üstə öz əsgərlərimizə tərəf süründüm
››› Azərbaycana qarşı siyasi qərar: Mxitaryana göz yuman UEFA "Qarabağ"ı cəzalandırdı
››› Ermənistan parlamentində dava düşüb - Video
Son xəbərlər
Bütün xəbərlər »