Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Qələbəsi ləğv edilən Çingiz Qənizadə: "Nə baş verdiyini bilmirəm"

Mərkəzi Seçki Komissiyası (MSK) 80 saylı İmişli-Beyləqan seçki dairəsində seçkinin nəticələrinin ləğv edib. Qeyd edək ki, MSK sözügedən dairədən Çingiz Qənizadənin qalib olduğunu açıqlamışdı.

Bizimyol.info-nun əməkdaşı məsələ ilə bağlı Çingiz Qənizadədən açıqlama almağa çalışıb.

“Yox, açıqlama vermək istəmirəm. Hələ nə baş verdiyini bilmirəm”,- deyə Çingiz Qənizadə bildirib.

Qeyd edək ki, Mərkəzi Seçki Komissiyasının bu gün keçirilən iclasında 80 saylı İmişli-Beyləyqan seçki dairəsindən qeydə alınmış namizədlər Razim Əmiraslanlı və Şirinov Hikmətin müraciətlərinə baxılıb. Həmin şəxslər müraciətində səsvermə günü məntəqələrdə seçki pozuntularının olduğunu qeyd edib. Ərizələrdə qeyd edilib ki, məntəqələrdə topa bülletenlər atılmış, seçicilərə bir neçə bülleten verilmiş, səsvermə nəticələrinə dair protokol məlumat lövhəsində asılmayıb.

MSK qərara alıb ki, 49 seçki məntəqəsindən 29-da seçkilərin nəticələri etibarsız hesab edilsin.

Paylaş »
Son xəbərlər
Bütün xəbərlər »