Deputatlığa namizədlərin bir qismi Mərkəzi Seçki Komissiyasının qarşısında etiraz aksiyası keçirirlər.
Bizimyol.info xəbər verir ki, onlar fevralın 9-da keçirilən parlament seçkilərində baş vermiş qanunsuzluqlara etiraz əlaməti olaraq belə bir addım atdıqlarını bildirirlər.
Aksiya günorta saatlarından başlayıb. Etiraz edənlərin tələbi "seçki nəticələrinin ləğv olunmasıdır".Hadisə yerinə gələn və özünü 5 saylı polis məntəqəsinin rəisi kimi təqdim edən şəxs oturaq etirazçıları dağılmağa çağırıb və onlara bu aksiyanın icra orqanları ilə razılaşdırılmadığını qeyd edib.MSK-nın nümayəndəsi oturaq aksiyaçıları söhbətə çağırsa da, onlar təklifi rədd ediblər.MSK nümayəndəsi bütün təqdim olunan materialların 20 gün ərzində araşdırılacağını deyib.
