Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Saxta sənədlərlə Polşaya aparan azərbaycanlılar tutuldu

Azərbaycandan və bir çox digər ölkələrdən, o cümlədən MDB respublikalarından əmək miqrantlarını saxta sənədlərlə Polşaya aparan mütəşəkkil dəstənin üzvləri yaxalanıb. Bu dəstə azərbaycanlılardan ibarətdir, bəziləri Azərbaycan, bəziləri Ukrayna pasportları daşıyır.

Polşa radiosunun bildirdiyinə görə, onların qurduqları cinayətkar sxem Azərbaycan, Rusiya, Gürcüstan, Ukrayna, Özbəkistan, Türkiyə, Pakistan, İran, İraq və Qazaxıstandan olan qeyri-leqal miqrantların Polşada yaşayış və iş icazəsi almasına imkan verib. Qruplaşma bu sxemdən iri məbləğlərdə pullar əldə edib.

Keçirilən əməliyyat çərçivəsində Polşanın sərhəd xidməti Azərbaycan və Ukrayna vətəndaşlarını, habelə onlarla əlaqəli olan bir polşalı qadını saxlayıb. Qruplaşma saxta işəgötürmə sənədləri hazırlayaraq 500-dən çox miqrantın Polşada və digər Avropa İttifaqı ölkələrində qanunsuz yaşamasını təşkil edib.

Polşa sərhədçilərinin bildirdiyinə görə, cinayətkar qrupun tərkibinə Azərbaycan vətəndaşları, milliyətcə azərbaycanlı olan iki Ukrayna vətəndaşı və onlardan birinin arvadı olan polşalı qadın daxil olub.

Qruplaşma fəaliyyəti kağız üzərində olan firmalar üzərindən ən azı 537 xarici vətəndaşın Polşada işə düzəldiyi barədə sənədlər hazırlayıb. Qruplaşmanın fəaliyyəti sayəsində qeyri-leqal miqranlar Polşada və digər Avropa İttifaqı ölkələrində qanunsuz qala biliblər.

Saxlanılanların kimlikləri açıqlanmır. Xatırladaq ki, ötən ilin payızında Almaniya polisi Azərbaycandan miqrantların saxta sənədlərlə bu ölkəyə mühacirət etməsini təşkil edən mütəşəkkil qruplaşmanı ifşa etmişdi və onlardan bir neçəsi həbs edilmişdi. Həbs edilənlər arasında Sabir Rüstəmxanlının qardaşı Əlövsət Əliyev də yer alır.(virtualaz.org)

Paylaş »
››› "Azərbaycan təzminat əvəzinə Zəngəzuru istəyir" - Ermənistanda həyəcan
››› ABŞ Krıma müdaxilə planı hazırlayır: Rusiya narahatdır
››› "Ərdoğan Afrikanı seriallarla ələ keçirir" - Britaniya mətbuatı
››› Hökumətdən 190 manatlıq birdəfəlik ödəmə ilə bağlı açıqlama
››› "Bakı Xəzər sahillərini itirəcək" - Almaniya mətbuatı
››› Faktiki hava açıqlandı
››› Həkim pandemiyanın bitəcəyi tarixi açıqladı
Son xəbərlər
Bütün xəbərlər »