Koronavirus Çində insanların normal həyat axarını iflic edib.

Hubey vilayətində və bura yaxın ərazilərdə həyat az qala tamamilə dayanıb. Küçələrdə çox az insan gözə dəyir. Küçəyə çıxanlar da maskasız keçinmir.

Bizimyol.info xəbər verir ki, Çində, demək olar, maska qalmayıb. İnsanlar ciddi qıtlıq yarandığından, ya çox baha qiymətə maska alır, ya da alternativ variantlara əl atırlar.

Asiya dövlətindən gələn xəbərlərdə, fotolarda inanılmaz vasitələr diqqət çəkir. Çinlilər virusdan qorunmaq üçün qreyfrut, portağal kimi meyvələrdən istifadə edilər. Bu meyvələrin qabıqları maska əvəzi işlədilir.

Şəkillərdən görünür ki, insanlar hətta metroya motosikletçi papağı, qaynaqçı ləvazimatı ilə daxil olurlar.

Plastik suqabılarını başına keçirərək süni nəfəslik sayəsində hərəkət edənlər var.