Türkiyənin Elazığ bölgəsində baş verən zəlzələ və onun qurbanları barəsində yayılan xəbərlər bütün türk dünyasında kədərlə qarşılandı.

Hər tərəfdən Türkiyəyə dəstək mesajları göndərilməkdədir. O cümlədən Azərbaycan da Türkiyənin yanında olduğunu və hər cür kömək göstərməyə hazır olduğunu bəyan etdi. Dünən İranda yaşayan soydaşlarımız da Elazığda yaşayan insanlara dəstək videosu hazırlayıblar .

Bizimyol.info xəbər verir ki, bu barədə

“Türkgün Gazetesi”nin Ankara təmsilçisi Kadir Yıldız məlumat verib. Belə ki, Cənubi Azərbaycanın “Traktor Sazi” komandasının azarkeşləri oyundan öncə Elazığa dəstək üçün şüarlar səsləndiriblər.

“Güney Azerbaycan Türklerinin futbol takımı Tractor Sazi taraftarları Elazığ depremini unutmadı”- deyə Kadir Yıldız paylaşım edib.

İlhamə Rəsulova