Bölgələrdə imkansız ailələr daha çoxdur. Onların köməyə həmişə ehtiyacı var.

Bizimyol.info xəbər verir ki, Göygölün Çaykənd kəndində imkansızlar üçün xüsusi mağaza açılıb. Kənd sakinlərinin dediyinə görə, mağaza sahibi Bakıda yaşayan Aytac adlı xanımdır.

Mağazanın üzərinə “Ehtiyacın varsa, götür, yoxdursa, gətir” ifadəsi yer alan lövhə vurulub. Buradan da görünür ki, məqsəd maddi durumu ağır olan adamları tələbat malları ilə təmin etməkdir.

Mağazada daha çox geyim malları gözə dəyir. Amma ərzaq gətirənlər də var.

Bura müxtəlif yerlərdən kömək üçün müraciət edənlər olur. Onların arasında həm yardım etmək istəyənlər, həm də ehtiyac içində yaşayanlar var.

Bu mağaza bir növ təmənnasız fəaliyyət göstərir.

Yəni insanlar arasında vasitəçi rolunu oynayır.

Müəyyən adamlar bura geyim və ərzaq gətirir, ehtiyacı olanlar isə gəlib istədiyini aparır.