ABŞ-ın Billinqs şəhərində yaşayan Maykl və Toni Makveylər bir vaxtlar çox varlı idi. Onların şəxsi biznesi vardı: idman zalı, yaxşı avtomobil və geniş ev.
İflasa uğradılar. Məhz bundan sonra qərara gəldilər ki, həyat tərzini dəyişsinlər.
Bizimyol.info xəbər verir ki, Makveylər avtobusda yaşamağı başlayıb. Əvvəlcə məktəb avtobusunu 5 min dollara alırlar.
Mayklın atasının köməyi ilə maşının içini təmir edirlər. Hər şeyi söküb atırlar. Ortaya yeni dizayn, yeni görünüş çıxır.
İndi cütlüyün bütün günü səyahətlə keçir. Avtobusda hər şey – yataq otağı, mətbəx, duş, hətta 380 litr tutumu olan çən də var.
Günəş batareyaları qaz problemini həll edir.
Darıxmağa da macal olmur. Ürəyin sıxılan kimi ayağını qaza basa bilirsən.
Cütlük 2018-ci ilin mayından bəri 8 min kilometrdən çox yol gedib.
Gələcək haqda da düşünürlər.
Maykl və Toni avtobusda dünyaya gələcək övladları üçün xudmani guşə hazırlayıblar.