Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Faiq Ağayev: “Tankın əzdiyi təcili yardım maşınını, asfaltın üzərində qan izlərini gördük”
faiq

Qanlı 20 Yanvar tarixinin canlı şahidləri o məşum gün barədə xatirələrini paylaşırlar. Xalq artisti Faiq Ağayev də sosial şəbəkədə həmin günlər yaşadığı ağrılar və gördükləri barədə yazıb.

“O zaman 18 yaşım var idi. Evimiz “Salyan kazarması”nın yanında yerləşirdi. Böyük qardaşımla evdə idim. Havada təhlükə hiss olunurdu ki. Ancaq inanmırdıq ki, sovet əsgərləri dinc əhalini güllələyəcəklər – axı, onda hamımız sovet xalqı idik.

Atəş başlandı, insanlar qaçmağa başladılar. Eləcə də, mən və qardaşım... Bu çox dəhşətli idi, çünki bizim nəsil müharibə nədir, bilmirdi. Növbəti gün pəncərəmizə artıq iki tank lüləsi tuşlanmışdı. Qanlı gecənin səhəri atamla çörək almağa çıxdıq. “Salyan kazarması”nın yanından “Xəzər” kinoteatrı, “Kaspar” xəstəxanası və “Olimp” mağazasına doğru gedirdik.

Tankın əzdiyi təcili yardım maşınını, asfaltın üzərində qan izlərini gördük. Qar yağırdı və buna görə 20 Yanvar gecəsi baş vermiş bu cinayətin izlərini ayırd etmək çətin idi. Daha sonra dəfnlər başladı. Deyirdilər ki, ölənlərin çoxunun, cəsədləri Xəzər dənizinə atılıb.

Hər şey göz önünə gəlir, sanki bütün bunlar dünən gecə olub”.

İlhamə

Paylaş »
››› İranda yüksək vəzifəli məmur da koronavirusa yoluxdu, ölkəni epidemiya bürüyür
››› Hakan Şükürdən 9 il sonra etiraflar: “Peşmanam...” - Video
››› Həbs edilən rayon başçısının eşşək ferması, otel və restoranları, min hektarlarla torpağı...
››› Azərbaycanda iş qurub işə düşən rus qadın: “Allahdan qorxmayanlarla üz-üzəyəm”
››› Məhkəmə Neftçalanın icra başçısı ilə bağlı qərar verdi
Son xəbərlər
Bütün xəbərlər »