Venesuelanın şimalında və qərbində, əsasən də Taçira, Merida və Karabobo ştatlarında elektrik kəsintisi baş verib.

Bu barədə “Netbloks” monitorinq saytı məlumat yayıb.

“Venesuelada yerli vaxtla axşam saat 9-da Taçira, Zuliya, Merida, Karabobo və Falkon ştatlarında kütləvi elektrik kəsintisi baş verib. Elektrik kəsintisi hələ də davam edir”, - məlumatda bildirilib.

“Netbloks”un məlumatına görə, ölkənin 23 ştatının 16-da elektrik kəsintisi baş verib. Taçira (14%), Merida (23%) və Karabobo (45%) ştatlarında elektrik enerjisinin verilişi qismən bərpa edilib. Elektrik enerjisinin kəsintisi ölkədə internetlə bağlı problemlərə yol açıb.

Ekspertlər elektrik enerjisinin kəsintisinə infrastruktura qoyulan investisiyaların azlığının və avadanlıqların köhnəlməsinin səbəb olduğunu göstərirlər. (Axar.az)